Assalamu Alaikum wa raHmatullahi Ta'ala wa Barakaatuhu
This email is a reminder for the LIVE Question & Answer Session with Taajush Shari'ah Mufti Muhammad Akhtar Rida Khan al-Qadri this Monday, 5th July 2010 at 9:00pm -- 2100 IST (Indian Standard Time i.e. GMT +5:30) from Bareilly Sharif inshaALLAH over
You may send your Questions to AsjadRazaKhan@gmail.com ... Questions can be asked in Arabic, Urdu and English languages.
Regards,
LIVE Q/A Team
Jamiat-ur-Raza, India
Regards,
LIVE Q/A Team
Jamiat-ur-Raza, India
| فاسألوا أهل الذكر إن كنتم لا تعلمون |
| |
| 27th June 2010 [Bareilly Sharif - India] Urdu | Roman | English |
| Question 1: kuch lougon ka mamool hay k Namaz k baad Madina Sharif ki taraf rukh kar k Salam parrhtay hain phir Baghdad Sharif ki taraf rukh k Ghous e Pak ki Bargah mein Salam arz kartay hain aur unn se Madad talab kartay hain aur aisa har Namaz k baad kartay hain, Kia ye koi Wazeefa hay? Iss k liye Ijazat ki zaroorat hoti? Kia mujhe aur aap k Tamam Mureedin ko bhi aisa karnay ki Ijazat hay? |
| Answer: Salat e Ghosiya say ye amal hay k uss k baad Baghdad Sharif ki taraf munh kar k giayara (11) qadam chalay, aor Salat e Ghosia ki har Sunni ko ijazat hay. Aor ye amal baharhaal behtar hay, iss main Sarkar e Abd Qarar SalAllah o Elehe Wasalam say aor Sarkar e Baghdad say istimdad aor tawassul aor iss ka istehzar hay jo ba'is e barkat hay. |
| Question 2: If we live in Dar ul Harb and have jewelry shop, can we sell Christian cross necklaces etc as law requires us to sell all kinds of Jew and Christian religious jewelry? Please answer in Urdu. |
| Answer: Agar law compel (force) karta hay aor uss main harj malum nahi hota hay k ye majboori ki soorat hay. Aor agar Christian Jewelry main kia baat hay to uss ko zikr kar k sawal karna chahiye, albatta majboori ki agar soorat hay, aor Sharaie majboori hay keh Qanoon majboor karta hay to hukam doosra hay, aor agar uss say bach saktay hain aor E'saie jewelry main kuch aisi cheezain hayn jo Islam k khilaf hayn to unn say bachna behtar hay. |
| Question 3: Aap ne aik session mein farmaya ke jin shehro me kuch dino k liye jab ISHA ka waqt na aata ho tou waha par aam dino mein jo ISHA ka waqt hota uske mutabiq inn dino me ISHA ada karay. Bahar-e-Shariat, Jild Awwal, Hissa Soyam, Page no. 18 par likha hay k jin shehro mein jo dino me ISHA waqt na aata ho wo wahan ISHA KI Qaza padhe. Rahnumai farmaen. |
| Answer: Haan to wo Qaza he ho gi, adda to nahi ho gi. |
| Question 4: 7up, pepsi wagera ka peena kaisa aur isko MAJALIS wa MAHAFIL me NIYAZ ke taur par taqseem karna kaisa hai? |
| Answer: 7up aor Pepsi main jab tak ye Sharaie toor par sabit na ho k uss main kisi najaiz cheez ki aamezish hay, uss k istemaa'l say mumaniat nahi ho sakti, ye az ashya main taharat o'he baat hay. Jab kisi khas botal main ya khas bartan main ya khas kisi mashroob main ye sabit ho jaye k khas bainihee iss main kisi naja'iz cheez ki aamezesh hay to bainihee he wo khas mashroob haram aor najaiz ho ga. Aor mehaz bazari shohrat ya ye ahtemal k iss main aisa ho sakta hay, naja'iz honay k liye ye kafi nahi hay, aor iss bina par koie sha'e jo hay wo naPak aor naja'iz qarar nahi di jaye gi. Lehaza uss ka isstemal Jaiz hy aor Niaz waghaira main rakh saktay hain. Albatta agar shubah hay aor Coca-cola aor Pepsi waghera kay muta'aliq ye suna hay keh Yahoodion ki company ka product hay aor mumkin hay k unhon nay kuch uss k andar aamezish ki ho, aor ye to suna hay k iss ka jo moawiza ya iss ka jo paisa milta hay woh naam nihad Israel, Naam nihad kehta hoon iss liye k Israel to Hazrat Yaqoob AlaNabiyina wa Aleh Salawto wasalam ka laqab hay aor unn ka naam hay wo iss naam ki Hukamat aor wo loag to iss k mustahiq nahi hain kiyon k un ka to iman he in par nahi hay, to uss hukumat aor Musalmano k jo dushman hain un par wo paisa kharch kiya jata hay. Iss liye agar Musalman bachain to un ko bachna he chahiye. |
| Question 5: Peshab ke Qatre ki bimari k kis hadd tak hone par mazoor kehlaega? |
| Answer: Jab keh Qatra har waqt aata ho aor Namaz ka koie waqt uss say khali na ho. Har namaz k waqt main wo qatra aata hay to uss soorat main wo mazoor hay, aor uss ka hukam ye hay k har namaz wo taaza woozu say parhay, Jab uss namaz ka waqat nikal gaya to wo woozu jata raha. Aor phir jab doosri namaz ka waqt aaye to uss k liye taaza woozu kar k namaz parhay to iss tor par wo faraa'iz sunnan aor nawafil sab adaa kar sakta hay. |
| Question 6: اذا تحيرتم فى الامور فاستيعنوا من اهل القبور (Ruh al Bayan, Vol 8, Page 109)... Huzoor is Hadees e Paak mein Ahle Quboor se kaun log Muraad hein? Mazeed tafseel farma kar hamaare dil munawwar farmaen. |
| Answer: Ahle Quboor say zahir si baat hay k Musalman murad hayn aor Musalmanon main badarja e Aula Musalmano k Auliya, Ulema aor Shuhada hayn wo iss keh misdaq hain. Aur ye hadith nahi hay, Hazrat e Imam e Ghazali ya kisi buzurg ka qoal hay. |
| Question 7: After nikah what is the time period (muddat) to do valima? |
| Answer: Nikah k baad Shab e Zufaf, doosray din, walima karna sunnat hay. |
| Question 8: AlHamd Sharif Namaz me Farz hai ya Wajib hai ya Sunnat ? Aur agar NAMAZ mein ALHAMD padhna bhool gaya tou kya hukm hai? |
| Answer: Wajib bhi hay aor Sunnat bhi iss lehaz say keh saktay hain keh Huzoor AlehSalawtu Wasalm ki Sunnat say ye sabit hay, aor farz Ma Tayseer al Qur'an, Aik aayat ya uss k ba miqdar wo farz hay. |
| Question 9: 4 Rakat farz me teesri rakat me ALHAMD ke baad bhool se BISMILLAH ki puri ayat padhli tou ab Sajda Sahauw karna hoga? |
| Answer: Naheen. Alhamd k baad jo hay uss ko qirat ka Ikhtiar hay agarcheh ye hay k Teesri rakaat main Alhamd k baad dosri Soorat nahi hay, lehaza bhool keh agar Bismillah parhi to iss soorat main sajda sehauw na hona chahiye, mazeed iss silsilah main dekh k kuch kaha ja sakta hay. |
| Question 10: FAJAR KI JAMAT chal rahi hai aur itna waqt hai ke is darmiyan mein SUNNAT padhkar JAMAT me shamil ho sakte hain tou Kya SUNNAT padh lena chahiye? |
| Answer: Parh lena chahiye, agarcheh ye guman ho k Attahiyat main paa lay ga to Sunnat pehlay parhay phir Jamaat main shariq ho. |
| Question 11: What should be the Niyyah for Tahajjud Prayers? |
| Answer: Tahajjud ki niyat koie khas nahi hay jaisay aor Namazon ki niyat hay waisay he Tahajjud ki niayat hay. |
| Question 12: Kya har woh shakhs jo Eid Miladun Nabi (SallallahoAlaihe Wassallam) manana Ghalat kehta hai, badmazhab hai? |
| Answer: Bilkul, beshak wo badmazhab hay. Sarkar ka irshad hay k فما رأى المسلمون حسنا فهو عند الله حسن Uss ko ghalat aor batil kehna jo hay ye goya k bakasrat, aam muslamnon ko gumrah aor ghalat kar aor gunah gar kehna hay. Aor naja'iz tor par kisi ko gumrahi ki tohmat lagana, ya gunahgar samajhna ya un k afaa'l ko ghalat samajhna, ye khud naja'iz o haram aor ye khud gumrahi hay. Uss par ye lazim hay k musalma'nan e Ahlesunnat wa jamaa't ki moafiqat karay aor jo wo kar rahay hain, unn k kaam main moafiqat karay, aor agar nahi kar sakta hay to dil say un k fe'el ko jai'z aor acha samjhay. Ye nahi k ulta unhi ko gunahgar aor gumrah samjhay, iss soorat main wo wahabion ki tarha say ussi gumrahi ka mustahiq hay. |
| Question 13: kya Qudrat ko bura kehna Allah Azzawajal ko bura kehna hai? |
| Answer: Bayshak Qudrat ko bura kehna iss say yehi lazim aata hay aor Hadith main ye bhi farmaya k لا تسبوا الدهر فإن الله هو الدهر tou be-jah iss tor par gali dena Hadith Sharief main ye aaya k ye gali maa'zAllah Allah tak pohanchti hay iss tor par ye bhi hay. |
| Question 14: Bohat Saare Ulema-e-Kiraam k naam k sath Kaba-o-Qibla kaha jata hai, iska matlab kya hota hai? Kia aisa kehna chahiye? |
| Answer: Koie harj nahi hay Qibla e Tawajjoh, Marja e Khala'iq, jiss tarha say Kaba jo hay wo Marja e Tawajjoh hay Muslamnon k liye, issi tor par jo hay Ulama, A'ima, Sarkar aor Sarkar k Naaib aor un k Janashin jo hain wo Markaz e Iqbal aor Markaz e Tawajjoh hayn aor un ki taraf tawajjoh ki jati hay. Aor Shariat un ki tarf tawajjoh ka hukam deti hay, Iss Etebar say unn ko Qaba-o-Qibla kaha jata hay. |
| Question 15: A SAYYID SAHAB WHO BECOMES A BADMAZHAB, DOES HE REMAIN A SAYYID? |
| Answer: Bad mazhabi kaisi hay, kiss had tak ki hay? Agar wo had e Kufr tak hay to ab Siyyadat khatam ho gaie, aor Sarkar say nisbat qa'im nahi rahi, Aor wo shakhs Musalman hi nahi hay. Aor agar badmazhabi had e kufr tak nahi hay phir bhi uss shakhs say parhaiz ka hukam hay. |
| Question 16: IF HE DOES NOT REMAIN A SAYYID AND PASSES AWAY IN THE STATE OF BEING A BADMAZHAB, WHAT BECOMES OF HIS CHILDREN, DO THEY REMAIN SAYYID IF THEY ARE ON THE PATH OF THE AHLE SUNNAT WAL JAMA'AT? |
| Answer: Wo agar Ahlesunnat wal Jama'at k Mazhab par hain, aor baap ki Bad Mazhabi main sharik nahi hain to un par koie ilzam nahi hay aor wo Musalman hayn aor agar wo baap ki bad Mazhabi main hayn aor agar Badmazhabi had e kufr tak pohnchi to uss ko kafir nahi jantay, to un ka hukm wohi hay jo uss ka. |
| Question 17: Agar ek shakhs kisi Wali ke Mazar Sharif ki Ziyarat ko jaa raha ho, magar uske jane sey uske ghar mein uski maa, uski biwi ya behen ghar pe akele reh jayenge, to kya iss surat me unko sath le jaa sakta hai? |
| Answer: Lay ja sakta hay. |
| Question 18: Prophet Sallallahu Alaihi wa Sallam said, "A good dream (that comes true) of a righteous man is one of forty-six parts of Prophet-ism." (Sahih Bukhari) Please explain the Hadith. |
| Answer: Iss main explain karnay ki kiya baat hay, keh nabuwat chali gaie laikin doosri riwayat main aya hay k, "Baqiyatil mubashirat" Nubuwat chali gaie laikin Uloom e Nabuwat ka ye Acha Khawb jo hay wo chalees ajza main say ye aik juzw uss ka hay aor ye mubashirat jiss main achi baaton ki khush khabri di jati hay mumin ko ye bhi jo hay Uloom e Nubuwat main say hay. Yani ye Nabi k Uloom ka aik sarchashma aor faiz hay jo un ki Ummat ko milta hay iss main Nabi ki Nubuwat ka aor Sarkar e Abd Qaraar Janab e Ahmad e Mukhtar SalAllaho Tabarak a Wataala aleh wasalamma k Uloom ka uss say andaza hota hay keh Allah tabarak wa taala nay Ilm e Ghaib Asalattan inn Hazrat ko ata farmaya hay aor uss ka mamba' Sarkar e Abd Qarar SalaAllaho EleheWasalm ko banaya hay, aor unn k zariye say unn k Uloom Ambiya par, Mursaleem par, Awaleen par Aakhareen par fa'iz howay. Aor unhi say jo hay Uloom e Adam jo hay mutanazil howay. Phir ye hay keh unhi k, iss sarchashma e Ilm e Ghaib ka ye asar hay k aam Musalmanon ko bhi khawabon main aor doosray deegar zariyon say jo hay, unn ki iteba aor sachi perawi k zarye say baaz Uloom e Ghaibia par jo hay itela ho jati hay. Ye sab ka sab jo hay Huzoor k Uloom e Nabuwat ka aik qatra aor aik shimma hay. |
| Question 19: Jo Azaan ka software aaj kal computer me download karte hai, usme har waqt ki azaan hoti hai; kya isme aam azaano ka hukm hoga ke baat wagaira na karein? Aur uss ka jawab daiN? |
| Answer: Uss ko jabb lagaya gya to uss azaan k wo zikr hay aor sun'nay liay log baithay huay hain to sunna hi chahiyai aur phir iss taur par laga kar k log batoN main masroof ho jayaiN yai uss say aik a'raaz ki aur roo gardaani ki soorat hay yai behter nahi hay aur agar logon k mashghooli masroofiat k auqaat hain to unn auqaat main lagana na chahiyai. |
| Question 20: KUCH LOG ZIKR E ILAHI O DUA KE WAKT ANDHERA KARTE HAIN. KYA AISA KARNA BEHTAR HAI? |
| Answer: Mashaa'ikh main bazurgoN main yai ma'mool hay iss main koi harj nahi hay, yaksooee waghaira k liay jo hay k fikr mujtame' ho aur dhyaan idher udhar na baTay aur nazar aur taraf na pohanchay iss liay yai kia jata hay, iss main koi harj nahi. |
| Question 21: Aur kuch log ASAR ke baad aur kuch log MAGHRIB ke baad sonay se mana Kartay hain. Kis iss mein koi haqeeqat hay? |
| Answer: Maghrib k baad to sona bura hay aur Huzoor e Mufti e Azam Hind aksar iss par naraaz hotay thay k iss main andesha yai hay k Isha say pehlay agar so gya aur neend gehri ho gaee to Isha main ya to itni taakheer ho gi k waqt e makrooh k jiss waqt takk takheer karna naa jaaez hay wo hoga ya Isha faut ho jayai, iss liay iss ko aur ghaliban aksar log aisay hi hain jin ko apny ooper bharosa nahi hay uss ko yai lazim hay k Maghrib k baad na soyae jaage aur Isha parh kar k soyae. aur Asr k baad sonay k silsilay main Hadees main aayaa hay k من نام بعد صلاة العصر فجن فلا يلومن إلا نفسه behtar nahi hay asr k baad sona. |
| Question 22: Ek shakhs jo barra parezhgaar namaz roze ka paband tahajjud guzaar hai jhoot nahi bolta azmaya huwa hai, magar wo khud ko Sunni nahi batata aur wo daawa karta hai ke usne khwab me HUZOOR SAL'LAL'LAHO ALAYEH VA SALLAM ki Ziayarat ki hay. ab is shakhs ki bare mein kya Hukm hay? Rahnumai farmaen. |
| Answer: Wo agar Sunni nahi hay to uss ka da'wa sun'nay k qabil nahi hay, aur bilfarz agar yai tasleem b kar lia jayai k uss ko Sarkar ki ziyarat hui to mehez iss bina par k uss nay Sarkar ko khwaab main daikha aur wo Aqaa'ed e Ahle Sunnat nahi rakhta to uss ko sunni qarar nahi dia ja sakta. Jaisay Sarkar ka jalwa jagtay main kafiron nay b daikha magar mehez iss bina par k Sarkar ko unhon nay daikha to kya wo Musalman aur Sahabi qarar diay jayai gae? Sahabi wo hay jo Huzoor ko haalat e Eman main daikha, aur mo'min wo hay jo Huzoor ka kalma parhay laa ilaahaa illallaah Muhammad ur Rasoolullah agarcheh uss ko bil fa'el Sarkar ka deedar na hua. aur kisi ko Sarkar ka deedar ho jayai aur Huzoor k Mazhab par na ho, Deen ka munkir ho hargiz wo sunni nahi hay musalmaan nahi. |
| Question 23: MASJID ka jo bahar ka hissa hai wahan dhoop ke wajeh se loug saff ko pura nahi karte balke jahan tak ke chaaun hoti hai wahan tak saff banatay hian aur baki ki jageh dhoop ki wajeh se khali rakh kar pichli saff me aa jate hain. Aisa karne se saff munqata hoti hai ya nahin? |
| Answer: Iss say saff munqat'e nahi ho gi. |
| Question 24: Jaandaar ki tasweer waleh kapdeh, below 7 years bachon ka pehenana kaisa hai? |
| Answer: Pehnaanaa na chahiyai. |
| Question 25: Jaandaar ki tasweer waleh khiloneh, bacho ke khelneh ke liyeh khareed k dena kaisa hai? |
| Answer: Na chahiyai. |
| Question 26: Shadi, Milad o Jalsay wagera k liye Ghair Qanooni tareeqay se Bijli ka Istemal karna theek hay (Jisay aam tor per Bijli Chori kaha jata hay)? |
| Answer: Yai sawalaat na poochna chahiyaiN aur yai jo hay bohat saaray iss qism k maamlaat logon main raa'ej hain aur yai sahi nahi hay aur iss main musalmanon ko basaa auqaat Zarar ka andesha hay aisay kaamon say musalmaanon ko parhaiz karna chahiyai. |
| Question 27: Aap k Shahzaday ka Naam Asjad Raza MashaALLAH bohat piyara naam hay? Iss k kia Ma'ni hain? Kia hamain apnay bachay k yahi naam rakhnay ki Ijazat hay? |
| Answer: Rakh saktay hain, 'Asjad ma'anay sona k hain. ain seen jeem daal, sona. |
| Question 28: Mera naam Adnan Qadiri hay aur mein Hazrat se Bay'at hun. Mein Durood-e-Kibreet aHmar Sharif parrhnay ki Ijazat chahta hun. |
| Answer: Ijazat hay. |
| Dua & Names of those who entered in Silsilah Aaliya Qadiriyah doing Bay'at with TajushShari'ah |
| Dua:
Bay'at:
|
| * Ooper likhay gaey Sawalat wa Jawabat ya Unn ki Roman Composing mein agar koi Galati hui hay tou Huzoor TajushShari'ah iss se baree hain. Choonkay ye kaam kuch loug mil kar Raza karana tour par Anjaam detay hain jis mein Galati ki Gunjaish hay. Agar aap ko koi Galati nazar aaey tou AsjadRazaKhan@Gmail.com par muttala' faramen. JazakALLAH Kher! |
No comments:
Post a Comment